TKP Platinum Jubilee hmang

TKP RVT July 30, 2026

Aizawl | July 30, 2026: Thalai Kristian Pawl (TKP) Republic Vengthlang Unit chuan vawiin khan TKP Platinum Jubilee a hmang a, zingah vantlang tana thawkin, veng chhung thianfaia hnatlangin hun hman a ni a, zanah inkhawmin hman a ni.

Zing dar 6:00-ah Biak In kawtah pungkhawmin, veng chhunga leh biak in chhehvel thianfaiin hnatlan a ni a, member 14 an thawkchhuak.

Zanin khan Biak Inah TKP Day pual inkhawm a ni a, inkhawm hi TKP Republic Vengthlang Unit Executive Committee Member (ECM) Lalrindika'n a kaihruai a, Vice President Pu C Lallawmzuala'n Pathian thuchah a sawi.

Zanin inkhawmah hian, ECM Pu Moses Lalhruaizela'n TKP thutiam leh din chhan sawirual a kaihruai a, ECM Malsawmsanga'n MTKP atanga chhiar chhuah tura lehkha lo kal a chhiar chhuak a. BKHP Republic Vengthlang Unit te an zai a, Esther Lalwmpuii a zai bawk.

Thusawitu C Lallawmzuala

Inkhawm banah, Biak in kawtah Jubilee lungphun hawnna hun hman a ni a, TKP Republic Vengthlang Unit President Albert VL Rohlua'n a hawng a ni.

TKP President-in Jubilee Lung a hawng

Inkhawm tan hma hian,Jubilee dar vuak a ni a, Kohhran hruaitute, BMP leh BKHP hruaitute bakah TKP hruaitu hlui, hruaitu nilai leh member te'n Jubilee dar hi an vua a ni.