Pathian hnaih Crusade Pathianni zan thusawi lak tawi

Pathian hnaih Crusade Pathianni zan thusawi lak tawi

Speaker : Rev Dr. C. Lalhungliana

Thupui : Pathian hnaih 

July 27, 2025

Pathianni zan

Bible chhiar : Jakoba 4:7&8

Pathian hnaih dan:

* Pathian kan hnaih loh chuan ama duh zawng kan hrelo. 

* Ringtu inti si Pathian hnaih lo chuan sakhuana rawng a bâwl a, khawvel mite nen an danglam lo. 

* Pathian hnaih loh chuan kan rawngbâwlna in awmzia a nei theilo. 

* Pathian kan hnaih hian diabola kan dodal tihna a ni. 

* Pathian fa inti si taksa leh rilru Pathianin a chan theih miah loh a awm theih. 

* Fapa tlanbo kir leh khan apa lawmna a siam ang hian keini pawh Pathian hnên a kan kir hian kan Pathian hian thinlung takin min läwm. 

* Fapa tlanbo in ama taksa ngei a apa hnên a a kir ang hian keimahni ngei hi taksa in hlana a hnen a kan kir angai. 

* Sual kalsan tura mahni ngei inhlan ṭhin te hi Pathianin a hnaih ṭhin. 

* Fapa tlanbo apa hnêna a kir leh hla taka a awm lai apa in a pan ang hian keini pawh Pathian lakah hla takah awm mah ila a hnen a kan kir leh theih nân min lo pan fo ṭhin. 

* Fapa tlanbo chu inhmuchhuak in apa hnên ah a kir leh Isua Krista laka bo te hi kir leh nachang hrelo a bo hlen a hlauhawm. 

* Fapa tlanbo apa in ngaihdamna a alo pawm ang hian keini pawh Pathian hnên a kan kir hian ngaihdamna nen min lo pawm leh ṭhin, kan sualna chu engpawh nise ngaihdam theih loh a neilo. 

* Fapa tlanbo a dinhmun ngai fapa nihna anga apa in a lo pawm ang hian keini pawh Pathian hnêna kan kir hian  dinhmun ngai ah bawk min lo pawm leh ṭhin. 

* A fapa Lal Isua thihna kross ah ngei kan tawh leh angai, chutah chuan damna famkim a awm. 

* Pathian hnaih thei tur chuan a ruka kan chin ṭhalo, sual lian nisi lo kan kalsan ngam angai. 

* Ringtu nun a thilte tham nia kan ngaih ngaimawh tham nisi lo te hi kan nun pum ti chhe tu ah aṭang thei. 

* Rawngbawl reng si hian Pathian kan hlat theih nân setana hi thiam takin a che ṭhin. 

* Pathian thu dawng sawng hlei theilo khawp hian thil ho te anga lang hi Setana hian chin ṭhan ah min neih tir. 

* Josepha chuan a rûk in sual a kalsana atawp ah Pathianin a chawimawi. 

* Davida chuan a rûk in sual a khawih a atawp ah a mualpho. 

* Pathian kan hnaih theihna min daltu kan thlauh thlak ngam hian Pathian kan hnaih na tur kawng a in hawng zau ṭhin. 

* Kan sualna chu engpawh nise a chhan leh vang min zawt ngailo, nihna ang anga pawm hi Pathian nihna a ni. 

* Pathian hnaih tu chu malsawmna tin rêng in a vur a, atawpah a chawimawi ṭhin.

~ Albert VL Rohlua,

Vice President, TKP Republic Vengthlang Unit.

.